च्याम्पियन्स लिग- लिभरपुलको जितमा मानेको ह्याट्रिक

च्याम्पियन्स लिग- लिभरपुलको जितमा मानेको ह्याट्रिक

पोर्टो (एजेन्सी) – च्याम्पियन्स लिग अन्तर्गतको अन्तिम १६ को खेलमा लिभरपुलले पोर्चुगेली टोली पोर्टोको घरेलु मैदानमा ५-० को विजयी नतिजा निकालेको छ । पहिलो लेगको खेलमा सेनेगलका फरवार्ड साडियो मानेले ह्याट्रिक गरे भने रोबर्टो फर्मिनो र मोहमद सालाहले पनि गोल गरे । घरेलु मैदानमा पोर्टोको युरोपेली खेलमा इतिहास कै अहिलेसम्मको फराकिलो हार हो । 

खेलको सुरुआतमा पोर्टो बलियो देखिए पनि लिभरपुलले २५ औं मिनेटमा मानेको गोलबाट अग्रता लियो । मानेको प्रहारमा पोर्टोका गोल किपर भाना अल्भेस चुकेपछि लिभरपुलले अग्रता लियो । खेलको २९ औं मिनेटमा जेम्स मिल्नरको उत्कृष्ट प्रहार फार पोस्टमा लागेर फर्किएपछि पाएको बललाई राम्रोसंग नियन्त्रणमा लिँदै सालाहले लिभरपुलको अग्रता दोब्बर गरे ।

पहिलो हाफमा २-० को अग्रता लिएको भ्रमणकारी टोली लिभरपुलले दोस्रो हाफमा थप ३ गोल गर्यो । फर्मिनोको प्रहार गोल किपर अल्भेसले रोकेपछि पाएको बललाई सहजे ट्याप गर्दै मानेले ५३ औं मिनेटमा गोल गरे । फर्मिनोले ६९ औं मिनेटमा लिभरपुलको चौथो गोल गरे भने मानेले ८५ औं मिनेटमा बक्स बाहिरबाट गोल गर्दै ह्याट्रिक पुरा गरे ।

प्रतिकृया दिनुहोस

प्रतिकृया

Leave a Reply

Your email address will not be published.