‘मेस्सीलाई रोक्न कठिन’ – मोराटा

‘मेस्सीलाई रोक्न कठिन’ – मोराटा

लन्डन (एजेन्सी)– चेल्सीका स्ट्राइकर अल्भारो मोराटाले बार्सिलोनाका सुपरस्टार लियोन मेस्सीलाई रोक्न सम्भव नहुने बताएका छन् ।बार्सिलोनाविरुद्ध अर्को साता अन्तिम १६ को पहिलो लेग खेल्नुअघि मोराटाको यस्तो भनाई सार्वजनिक भएको हो । मोराटाले टोलीका सहकर्मीलाई मेस्सीलाई गम्भिरतापूर्वक लिन पनि सुझाएका छन् ।

अल्भारो मोराटा

यद्दपी चेल्सीविरुद्ध मेस्सीको इतिहास त्यति सन्तोषजनक छैन । चेल्सीसँगको कुनै खेलमा पाँच पटकको बालोन डि’ ओर विजेता मेस्सीको नमिठो अनुभव पनि छ । सन् २०१२ मा चेल्सीविरुद्धको च्याम्पियन्स लिग सेमिफाइनलमा मेस्सी पेनाल्टीमा गोल गर्नबाट चुकेका थिए । त्यति बेलामा सेमिफाइनलमा समग्रमा ३–२ नतिजासहित चेल्सी फाइनल पुगेको थियो ।

त्यो मेस्सीका लागि निकै दुःखत समयमा थियो । तर, त्यसका आधारमा मेस्सीलाई मुल्याङ्कन गर्नु र मेस्सीलाई हल्का लिनु मुर्खता हुने मोराटाको बुझाई छ । चेल्सी र बार्सिलोनाबीच फेब्रुअरी २१ मा प्रि क्वार्टरको पहिलो लेग हुँदैछ ।

‘मेस्सीलाई रोक्न कठिन हुनेछ,’ रियल म्याड्रिडका पूर्व खेलाडी मोराटाले भने,‘यदि हामीले यहाँ राम्रो नतिजा निकाल्न सक्यो भने त्यसपछि रक्षात्मक खेल्दै अघि बढ्ने कोशिस गर्नुपर्दछ ।’

चेल्सीको अहिलेको फर्म हेर्ने भने बार्सिलोनालाई रोक्न सहज हुने छैन । मेस्सी जहिले पनि खतरा हुनेछन् । त्यसबाहेक बार्सिलोनासँग त्यस्ता प्रभिावना खेलाडी छन् त्यसले चेल्सीलाई अप्ठेरोमा पार्न सक्दछन् ।

ला लिगाको शीर्षस्थानमा रहेको बार्सिलोनका लागि मेस्सीले यो सिजन २० गोल गरिसकेका छन् । तथापी च्याम्पियन्स लिगमा भने उनले यसपटक ६ खेलमा ३ गोल मात्र गर्न सकेका छन् ।

प्रतिकृया दिनुहोस

प्रतिकृया

Leave a Reply

Your email address will not be published.