भाइरल ज्वरोको प्रकोप

 बर्दियामा भाइरल ज्वरोका बिरामीको सङ्ख्यामा वृद्धि भएको छ । यतिबेला यहाँका क्लिनिक, जिल्ला अस्पताल र स्वास्थ्य चौकीमा बिरामीको चाप बढेको देखिन्छ । भाइरल ज्वरोका कारण बालबालिका वृद्धसमेत प्रभावति भएको त्यसमा पनि ५ वर्षमुनिका बालबालिका बढी प्रभावित भएको जनस्वास्थ्य अधिकृत सुनिल पाण्डेले बताए ।

अस्पतालमा भाइरल ज्वरोसँगै रुखाखोकी, टाइफाइड, मलेरिया लागेका बिरामीको भीड हुने बताए । भाइरल ज्वरो आएपछि ज्वरो बढी आउने, टाउको दुख्ने, जोर्नी दुख्ने, रिगटा लाग्ने, पेट दुख्ने, खानामा रुची नहुनेजस्ता लक्षण देखा पर्दछ ।

औषधि खाएपनि औषधिले काम नगरेपछि परीक्षण गराउँदा भाइरल ज्वरो भएको क्लिनिकमा चेकजाँच गर्न आएका बिरामी रिसर्च चौधरीले बताए ।  मौसमका कारण हुने भाइरल ज्वरो १ सातासम्म निको नभएपछि बिरामी आत्तिएर अस्पताल, क्लिनिकमा आउने गरेको सुनिल पाण्डेले बताए ।

घरमै आराम गरी पानीपट्टी लगाउँदा, सिटामोल खाँदा पनि यो ज्वरो निको हुने बताए ।

 

Leave a Reply

Your email address will not be published.