६ कक्षाकी विद्यार्थीले होस्टलमै बच्चा जन्माईन् !

६ कक्षाकी विद्यार्थीले होस्टलमै बच्चा जन्माईन् !

एजेन्सी । भारतको उडिसामा होस्टलमा रहेकी एक छात्राले बच्चा जन्माएपछि दुई जना शिक्षकलाई गिरफ्तार गरिएको छ ।

छात्राले बच्चा जन्माएपछि स्कुलका प्रधानाध्यापक र होस्टल सुपरिटेन्डेन्टलाई गिरफ्तार गरिएको हो । दुवैजनालाई घटनाका बारेमा जानकारी नदिएर प्रशासनबाट लुकाउन खोजेको आरोप लगाइएको छ ।

सरकारी तवरबाट सञ्चालित उमुरी आश्रम नामको उक्त विद्यालय आदिवासी जनजातिका बच्चाहरुले पढ्ने आवसीय स्कुल हो । छात्राले ४ फेब्रुअरीमा बच्चा जन्माएकी थिइन् ।

स्कुलमा उक्त घटना भएपछि ति छात्रालाई समेत एक जिपमा राखेर उनको गाउँ उप्परकेंडीमा बाबु आमाको साथमा पठाइएको थियो । प्रारम्भिक अनुसन्धानपछि प्रहरीले प्रधानाध्यापक कैलाश बर्मा र होस्टल सुपरीटेन्डेन्ट सबिता गुरुलाई नियन्त्रणमा लिएको हो ।

जनवरीदेखि यता स्कुलमै छात्राले बच्चा जन्माएको यो दोस्रो घटना हो ।

यसअघि २३ जनवरीमा कन्धमाल जिल्लाको लिंगागडामा एक आवासीय स्कुलमा १० कक्षामा पढ्ने छात्राले होस्टलमै बच्चा जन्माएकी थिइन् ।

Leave a Reply

Your email address will not be published.